حضورﷺکا نام سن کر انگوٹھے چومنے کا حکم

استفتاء

جب نام محمدﷺآتا  ہے تب انگوٹھے چومنا کیسا ہے؟کس سے ثابت ہے؟سنت ہے یا فرض ہے؟

الجواب :بسم اللہ حامداًومصلیاً

حضورﷺکا نام سن کر درود شریف پڑھنا صحیح احادیث سے ثابت ہے،لیکن انگوٹھے چومنا بدعت ہےاور کسی صحیح حدیث سے ثابت نہیں۔

ردالمحتار(2/85) میں ہے:

’’وفي كتاب الفردوس «من قبل ظفري إبهامه عند سماع أشهد أن محمدا رسول الله في الأذان أنا قائده ومدخله في صفوف الجنة» وتمامه في حواشي البحر للرملي عن المقاصد الحسنة للسخاوي، وذكر ذلك الجراحي وأطال، ثم قال: ولم يصح في المرفوع من كل هذا شيء.‘‘

امدادالاحکام(1/188)میں ہے:

’’سوال(١٠) حضرت صلی اللہ علیہ وسلم کے نام مبارک پر دونوں ہاتھوں کے انگوٹھے کے ساتھ منہ سے بوسہ لے کر دونوں آنکھوں پر لگاتے ہیں یہ جائز ہے یا نہیں، اگر ناجائز ہے تو کیسا گناہ ہے، اور کس کتاب میں ہے؟

الجواب؛آنحضرت صلی اللہ علیہ وسلم کا نام مبارک سن کر انگوٹھے چومنا بدعت ہے، کیونکہ اکثر لوگ اس کو ثواب سمجھتے ہیں، اور وہ موقوف ہے روایت پر، اور روایت اس بارے میں کوئی ثابت نہیں كما قال السخاوی فی المقاصدالحسنۃولا يصح فی المرفوع من كل ہذا شی۔۔الخ‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم