(1) آئی لیشز)مصنوعی پلکیں ) لگانے  سےوضواور غسل کا حکم(2)کیا آئی لیشز(مصنوعی پلکیں ) لگاناجائزہے؟ 

استفتاء

(1)۔ آئی لیشز (مصنوعی پلکیں )لگی ہوئی ہوں تو وضواور غسل کا کیا حکم ہے؟

(2)۔ کیا آئی لیشز (مصنوعی پلکیں )لگانا جائز ہے ؟

الجواب :بسم اللہ حامداًومصلیاً

(1)۔ آئی لیشزدو طرح کی ہوتی ہیں (i) جومختصر دورانیے کیلئے لگائی  جائیں  (ii) جوطویل دورانیے یعنی دو تین ماہ کے لیےلگائی جائیں ۔ اگر آئی لیشزلگی ہوئی ہوں (خواہ مختصر دورانیےکیلئے لگی ہوئی ہوں یا طویل دورانیے کیلئے لگی ہوئی ہوں ) تووضواور غسل نہیں ہوگا کیونکہ آئی لیشز کوئی بھی ہوں کھال تک پانی پہنچنے سے مانع ہوتی ہیں کیونکہ یہ دونوں گلو(ایک قسم  کی گوند)سے چپکائی جاتی ہیں جس کی وجہ سے پانی کھال تک نہیں پہنچتا۔

(2)۔ آئی لیشزانسانی بالوں کی بنی ہوں یا خنزیر کے بالوں  کی بنی ہوں توان کا لگانا جائز نہیں ۔اور اگران کے علاوہ کی ہوں تو ان کا   استعمال جائز ہے  بشرطیکہ وضو اور غسل کے وقت انہیں اتاردیا جائے۔

فتاوی شامی (9/614)  میں ہے:

ووصل الشعر بشعر الآدمي حرام سواء كان شعرها أو شعر غيرها لقوله صلى الله عليه وسلم ” { لعن الله الواصلة والمستوصلة والواشمة والمستوشمةاخ

قوله(سواء شعرها او شعرغيرها) لما فيه من التزوير ۔۔۔۔

 وإنما الرخصة في غير شعر بني آدم تتخذه المرأة لتزيد في قرونها ، وهو مروي عن أبي يوسف ، وفي الخانية ولا بأس للمرأة أن تجعل في قرونها وذوائبها شيئا من الوبر۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم