دو طلاق رجعی دینے کا حکم

استفتاء

مفتی صاحب ایک لڑائی کے دوران میں نے اپنی بیوی کو کہا کہ  ’’تینوں طلاق اے، طلاق اے‘‘ (تجھے طلاق ہے، طلاق ہے) اور جب دوسری طلاق کا کہہ رہا تھا تو میری والدہ نے میرے منہ پر ہاتھ رکھ دیا، اس کے باوجود میں نے دوسری طلاق کے الفاظ بول دیے تھے۔ مذکورہ صورت میں کتنی طلاقیں واقع ہوئی ہیں؟

الجواب :بسم اللہ حامداًومصلیاً

مذکورہ صورت میں دو رجعی طلاقیں واقع ہوگئی ہیں۔ جن کا حکم یہ ہے کہ اگر شوہر رجوع کرنا چاہے تو عدت کے اندر  کرسکتا ہے۔ اور رجوع کا بہتر طریقہ یہ ہے کہ وہ گواہوں کے سامنے اپنی بیوی سے یہ کہدے کہ ’’میں نے تجھ سے رجوع کر لیا‘‘ اور اگر عدت کے اندر شوہر نے رجوع نہ کیا تو عدت گزرنے پر یہ نکاح ختم ہو جائے گا جس کے بعد دوبارہ اکٹھے رہنے کے لئے باہمی رضامندی سے گواہوں کی موجودگی میں نئے مہر کے ساتھ دوبارہ نکاح کرنا ضروری ہوگا۔

نوٹ: رجوع، یا دوبارہ نکاح کرنے کے بعد آئندہ شوہر کے پاس صرف ایک طلاق کا حق باقی ہوگا۔

درمختار مع الرد(509/4) میں ہے:”فروع : كرر لفظ الطلاق وقع الكل .قوله : (كرر لفظ الطلاق) بان قال للمدخولة: ”انت طالق انت طالق“ او ”قد طلقتك قد طلقتك“ او ”انت طالق قد طلقتك“ او ”انت طالق و انت طالق“ … الخ“ہدایہ (394/2) میں ہے:”وإذا طلق الرجل امرأته تطليقة رجعية أو ‌تطليقتين ‌فله ‌أن ‌يراجعها ‌في ‌عدتها رضيت بذلك أو لم ترض لقوله تعالي ”فامسكوهن بمعروف“ من غير فصل“ہدایہ (395/2) میں ہے:”و يستحب ان يشهد علي الرجعة، فان لم يشهد صحت الرجعة“ہدایہ (399/2) میں ہے:”وإذا كان الطلاق بائنا دون الثلاث فله أن يتزوجها في العدة وبعد انقضائها لأن حل المحلية باق لأن زواله معلق بالطلقة الثالثة فينعدم قبله“بدائع الصنائع(3/283) میں ہے:”أما ‌الطلاق ‌الرجعي فالحكم الأصلي له هو نقصان العدد، فأما زوال الملك، وحل الوطء فليس بحكم أصلي له لازم حتى لا يثبت للحال، وإنما يثبت في الثاني بعد انقضاء العدة، فإن طلقها ولم يراجعها بل تركها حتى انقضت عدتها بانت“۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم