کیا حالتِ حمل میں طلاق دینے سے طلاق واقع ہوجاتی ہے؟

استفتاء

عرض    ہےکہ حالت حمل   میں طلاق واقع ہو جاتی ہے ؟دلیل اور تحریری فتوٰی سے راہنمائی فرمائیں۔جزاک اللہ

الجواب :بسم اللہ حامداًومصلیاً

حالت حمل میں طلاق دینے سے طلاق واقع ہو جاتی ہے۔ اور اس کی دلیل یہ ہے کہ قرآن پاک کی سورۂ طلاق میں مطلقہ عورتوں میں سے جو حمل والی ہیں،  ان کی عدت وضع حمل بیان کی گئی ہے، اب اگر حالتِ حمل میں طلاق ہی  نہ ہوتی  تو عدت کیوں بیان کی جاتی،  کیونکہ طلاق کے بغیر تو عدت نہیں ہوتی۔

لمافی القرآن الحکیم:

واولات الاحمال اجلهن ان یضعن حملهن

تفسیر قرطبی(21/51) میں ہے:

وضع الحمل وإن كان ظاهرا في المطلقة لانه عليها عطف، وإليها رجع عقب الكلام، فإنه في المتوفى عنها زوجها كذالك لعموم الآية

تفسیر طبری (2/381) میں ہے:

قال الطبری :للمرأة الحبلیٰ اللتی یطلقها زوجها وهي حامل فعدتها ان تضع حملها        

احکام القرآن للجصاص (3/685)میں ہے:

لم یختلف السلف والخلف بعدهم ان عدۃ المطلقة الحامل ان تضع حملها

مسند احمد بن حنبل(5/116) میں ہے:

عن عمرو بن شعیب عن ابيه عن جدہ قال قلت یا ر سول الله ﷺ حین نزول قوله (واولات الاحمال ) انها فی المطلقة ام فی  المتوفیٰ عنها زوجها فقال رسول الله ﷺ   ،ففيهما  جمیعا 

تفسیرِ عثمانی(3/714) میں ہے:

جمہور کے نزدیک حامل کی عدت وضع حمل تک ہے، اور اس میں مطلقہ اور متوفیٰ عنہا زوجھا دونوں کا ایک حکم ہے۔                                          

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم