عورت کےلیے طلاق کا مطالبہ کرنے پر حق مہر کا مطالبہ کرنا صحیح ہے؟

استفتاء

السلام علیکم ورحمۃا للہ وبرکاتہ

**************************** سے طلاق کا مطالبہ کیا اور بیان حلفی لکھ کردیا تو ****************************نے آمنہ کو طلاق دے دی۔اندریں صورت سوال یہ ہے کہ کیا مطلقہ حق مہر اور دیگر حقوق کی حق دار ہے یا نہیں؟

بیان حلفی اور طلاق نامہ کی کاپی لف ہے ۔

وضاحت مطلوب:ان دو منسلک تحریروں کا پس منظر کیا تھا کیا اس سے پہلے زبانی گفت وشنید بھی ہوئی تھی ؟اگر ہوئی تھی تو کیا میاں بیوی یا دونوں کے نمائندوں کے درمیان علیحدگی کا طریقہ طے ہوا تھااس میں حق مہر کی واپسی کا مطالبہ کی بابت کوئی بات ہوئی تھی یا نہیں اور اپنی تحریر میں ہر چیز سے دستبرداری کر دی ہے تو اب سوال پوچھنے کی نوبت کیوں آرہی ہے کیا عورت کی جانب سے حق مہر کامطالبہ ہے ؟

جواب وضاحت:دونوں کی طرف سے معززان علاقہ کو ملا کے گفت وشنید ہوتی رہی لیکن بات نہیں بن پائی طلاق کے وقت تو لڑکی والوں کی طرف سے دستبرداری کی بات ہوئی تھی ،لیکن اب ان کی طرف سے اس کا مطالبہ ہورہا ہے اس لئے مسئلہ پوچھنے کی نوبت آرہی ہے ۔

وضاحت مطلوب:              دیگر شرائط سےکیا مراد ہے ؟

جوا ب وضاحت:            نان ونفقہ اور رہائش وغیرہ

بیان حلفی

****************************

شناختی کارڈ نمبر:****************************

حلفاً بیان کرتی ہوں کہ من حالفہ کا نکاح وشادی باہمراہ ****************************9نومبر 2011 کو ہوئی ہے ۔

حلفاً بیان کرتی ہوں کہ مابین میا ں بیوی گھریلو جھگڑا ہوا ہے  معززین او ربرادری نے صلح کی بہت کوشس کی ہے۔لیکن صلح نہ ہوئی  ہے ۔

میں حلفاً بیان کرتی ہوں کہ من حالفہ بر بنائے خلع طلاق حاصل کررہی ہوں ۔حلفاً بیان کرتی ہوں کہ من حالفہ جملہ شرائط پرت نکاح 36 بک نمبر141 کی جملہ شرائط سے دستبردار ہوتی ہوں من حالفہ آئندہ کسی قسم کا حق مہر ودیگر شرائط کا مطالبہ نہ کروں گی ۔اور نہ  ہی دعوی دائر کروں گی ۔حلفاً بیان کرتی ہوں کہ مذکورہ بالا بیانات صحیح اور درست ہیں ۔

مورخہ:16جولائی 2015

العارض****************************

طلاق نامہ

منکہ ****************************قوم آرائیں سکنہ موضع سونک بیلہ اوچ شریف تحصیل احمد پور شرقیہ

موجودہ پتہ ****************************

شناختی کارڈ نمبر:****************************

اقرار کرتا ہوں اور لکھ دیتا ہو ں بدرستی عقل ہوش وحواس خمسہ بلا اجبارِ غیر خود اس بات پرکہ من مقر کا نکاح وشادی  باہمراہ **************************** 9نومبر 2011 ہوا تھا۔اب مابین میاں بیوی گھریلو جھگڑا ہوا ہے  معززین اور برادری نے صلح کی بہت کوشش کی ہے ۔لیکن صلح نہ ہوئی ہے ۔مسماۃ مذکوریہ بھی خواہاں طلاق ہے ۔اب من مقر مسماۃ ****************************کو طلاق دےکر اپنے تن پر حرام حرام حرا م کردیا ہے ۔آج کے بعد مسماۃ مذکوریہ سے میراکسی قسم کا تعلق واسطہ نہ ہے اور نہ ہی آئندہ ہوگا۔بعد از عورت مسماۃ مذکوریہ جہاں چاہے عقد ثانی کرسکتی ہے ۔من مقر نے نقل طلاق اور نوٹس مطلقہ یونین کونسل ارسال کردئیے ہیں ۔لہذا طلاق نامہ تحریر کردیا ہے سند رہے اور کام آوے ۔

مورخہ: 16جولائی  2015

العارض :

****************************

الجواب :بسم اللہ حامداًومصلیاً

مذکورہ صورت میں عورت مہر اور دیگر حقوق کی حق دار نہیں ہے ۔کیونکہ عورت نے خود حلف نامے میں مہراوردیگر حقوق وجملہ شرائط مندرجہ پرت نکاح نامہ 36سے دستبرداری اور مطالبہ نہ کرنے کی شرط پر حلفیہ بیان دےکر رضامندی ظاہرکی ہے اور طلاق کا مطالبہ بھی کیا ہے ۔جس کے جواب میں خاوند نے طلاق دی ہے۔

فتاوی عثمانی ج 2ص425میں ہے :

سوال : ]عورت نے خاوند سے کہا  کہ[ میں نے اپنا مہر اور ہر قسم کا خرچ نان نفقہ معاف کیا ،اس کی اس وضاحت اور شدید مطالبے پر خلع کا فیصلہ ان الفاظ پر ”میں نے تمہیں طلاق دی ،میں نےتمہیں طلاق دی،میں نے تمہیں طلاق دی “کیا گیا ،”اب اس صورت میں تم آزاد ہو اور مجھ پر سگی بہن اور ماں کی طرح حرام ہو“ جو اس نے قبول کیا۔

جواب:مذکورہ صورت میں تین طلاقیں واقع ہوچکی ہیں ،اور طلاق مغلظہ واقع ہوگئی ہے ،جس کا حکم یہ ہے کہ اب وہ حلالہ کے بغیر شوہر کےلئے حلال نہ ہوگی ،اور چونکہ عورت نے مہر معاف کردیا ہے ،اس لئے مہر بھی شوہر پر واجب نہیں ۔

المحيط البرهاني في الفقه النعماني (8/ 179)

إذا أبرأت المرأة زوجها عن النفقة قبل أن تصير النفقة ديناً في الذمة، فإنه لا يصح ذلك بالاتفاق. وإذا شرط في عقد الخلع براءة الزوج عن النفقة صح، والفرقة وهو أن الإبراء إذا شرط في الخلع كان إبراء بعوض والإبراء بعوض يكون استيفاء لما وقعت البراءة عنه، لأن العوض قائم مقام ما وقعت البراءة عنه، والاستيفاء قبل الوجوب جائز۔