فون کال پر بیوی کوتین بار طلاق ،طلاق،طلاق کہنے کاحکم

استفتاء

گزارش ہے کہ آٹھ ماہ پہلے میری بیٹی کی شادی ہوئی اس کو بچہ ہونے والا ہے ،چار ماہ پہلے اس کو نند نے گھر سے نکال دیا۔جون کی 18 تاریخ کو شوہر نے فون کال  پر بیٹی کو  تین بار  کہہ دیا کہ "طلاق ،طلاق،طلاق”کیا طلاق ہوگئی ہے یا نہیں؟

وضاحت مطلوب ہے کہ:

شوہر کے الفاظ کیا تھے؟

جوابِ وضاحت:تین دفعہ کہا تھا کہ ” طلاق،طلاق،طلاق ”

الجواب :بسم اللہ حامداًومصلیاً

مذکورہ صورت میں اگر واقعتاً شوہر نے اپنی بیوی کو فون کرکے  یہ الفاظ کہے ہیں کہ  ’’طلاق، طلاق، طلاق ‘‘ تو تینوں طلاقیں واقع ہوچکی ہیں جن کی وجہ سے  بیوی شوہر پرحرام ہوگئی ہے، لہٰذا اب نہ   رجوع  ہوسکتا ہے اور نہ صلح کی گنجائش ہے۔

توجیہ: طلاق کے الفاظ میں اگرچہ بظاہر بیوی کی طرف اضافت نہیں پائی جارہی لیکن معنیً اضافت پائی جارہی ہے کیونکہ طلاق بیوی کو ہی دی جاتی ہے۔

نوٹ:دارالافتاء سےشوہر سے رابطہ کرنے کی کوشش کی گئی لیکن رابطہ نہیں ہوسکا لہذا اگر صورت حال مختلف ہوئی تو مذکورہ جواب کالعدم ہوگا۔

شامی(4/509) میں ہے:کرر لفظ الطلاق وقع الکل قوله: (کرر لفظ الطلاق) بان قال للمدخولة: انت طالق انت طلاق او قد طلقتک قد طلقتک او انت طالق قد طلتک او انت طالق و انت طالقہندیہ(411/2)میں ہے: وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية ولا فرق في ذلك بين كون المطلقة مدخولا بها أو غير مدخول بها كذا في فتح القدير.ردالمحتار(444/4)میں ہے:  ولا يلزم كون الاضافة صريحة في كلامه،لما في البحر لو قال:طالق فقيل له من عنيت؟فقال امرأتي طلقت إمرأته.اھ……… لو قال:إمرأة طالق او قال طلقت إمرأة ثلاثا و قال لم اعن إمرأتي يصدق و يفهم منه أنه لو لم يقل ذلك تطلق إمرأته،لأن العادة أن من له إمرأة إنما يحلف بطلاقها لا بطلاق غيرها،فقوله إني حلفت بالطلاق ينصرف اليها ما لم يرد غيرها لأنه يحتمله كلامه.۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم