تعلیقِ طلاق کے بعد شرط کے نہ پائے جانے کے غالب گمان کی صورت میں طلاق کاحکم

استفتاء

ایک آدمی اپنی بیوی کے ساتھ بار بار ہمبستری کرتاتھا۔ایک مرتبہ اس نے بیوی کی غیر موجودگی میں کہا کہ  میں 10(دس )دن تک ہمبستری نہیں کروں گا اگر کی تو میری بیوی کو طلاق ۔ پھر دس دن گزرنے کے بعد اس نے بیوی سے ہمبستری کرلی۔اب ایک سال گزرنے کے بعد وہ بندہ شک میں پڑ گیا ہے اور کبھی کبھی وساوس اور خیالات آتے ہیں کہ وہ دس دن پورےگزرگئے تھے   یا کم گزرے تھے۔آیا اب طلاق واقع ہوئی یانہیں ؟

وضاحت مطلوب:شوہر کا غالب گمان کیا ہے؟

جواب وضاحت:دل کا رجحان تو یہی ہے اور یہی بات دل کو لگتی  ہے کہ دس د ن پورے ہوگئے تھے۔

الجواب :بسم اللہ حامداًومصلیاً

مذکورہ صورت میں کوئی طلاق واقع نہیں ہوئی۔

توجیہ:جب شوہر طلاق کو کسی شرط پر معلق کرے اور اسے شرط کے نہ پائے جانے کا غالب گمان ہو تو طلاق واقع نہیں ہوتی کیونکہ ظن غالب یقین کے حکم میں ہے۔

الاشباہ والنظائر(223/1،ط: ادارۃ القرآن والعلوم الاسلامیہ،کراچی)میں ہے:490:الشك تساوي الطرفين،والظن الطرف الراجح ،وهو ترجيح جهة الصواب،والوهم رجحان جهة الخطأ،وأما أكبر الرأي وغالب الظن،فهو الطرف الراجح،إذا أخذ به القلب  وهو المعتبر عند الفقهاء،كما ذكره اللامشي في أصوله.491:وحاصله أن الظن عند الفقهاء من قبيل الشك ؛لأنهم يريدون به التردد بين وجود الشئ وعدمه ،سواء استويا أو ترجح أحدهما ، وكذا قالوا في الإقرار :ولو قال:له علي ألف درهم في ظني لا  يلزمه شئ ؛لأنه للشك ،انتهي.492:وغالب الظن عندهم ملحق باليقين وهو الذي يبتني عليه الأحكام يعرف ذلك من تصفح كلامهم في الأبواب…..وصرحوا في الطلاق بأنه إذا ظن الوقوع لم يقع ،وإذا غلب علي ظنه وقع.

.۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم