بیوی، چار بیٹے، چار بیٹیاں، ایک بھائی

استفتاء

کیا فرماتے ہیں مفتیان کرام اس مسئلہ کے بارے میں کہ ایک شخص نے اپنے مرنے کے بعد ایک زوجہ، چار بیٹے، چار بیٹیاں اور ایک بھائی چھوڑا ہے۔ اور ترکہ میں ایک عدد مکان، چند روپے، گھریلو سامان فرنیچر، کراکری اور گھر کا وہ سامان جو گھر  بیچنے پر گھر کی بیع میں داخل نہیں ہوتا، اور پڑھائی کے آلات وغیرہ، تو ان سب ورثاء کو کتنا کتنا حصہ ملے گا؟ اور اس ترکہ کی تقسیم کا کیا لائحہ عمل ہو گا۔ تفصیل سے بیان فرما دیں۔

الجواب :بسم اللہ حامداًومصلیاً

مذکورہ صورت میں کل ترکہ یا اس کی قیمت کو 96 حصوں میں تقسیم کر کے ان میں سے 12 حصے مرحوم کی بیوہ کو، اور 14-14 حصے مرحوم کے ہر ایک بیٹے کو، اور 7-7 حصے مرحوم کی ہر ایک بیٹی کو ملیں گے۔ اور بھائی کو اس وراثت میں سے کچھ حصہ نہ ملے گا۔ صورت تقسیم یہ ہے:

8×12= 96                                           

زوجہ                  4 بیٹے             4 بیٹیاں          1 بھائی

8/1                           عصبہ                        محروم

1×12                        7×12

12                                      84

12                   14+14+14+14    7+7+7+7                      فقط و اللہ تعالیٰ اعلم