• جامعة دارالتقوی لاہور، پاکستان
  • دارالافتاء اوقات : صبح آ ٹھ تا عشاء

چرچ میں نماز جمعہ ادا کرنا

استفتاء

کیا چرچ کے تہہ خانے میں نماز جمعہ یا نماز پڑھائی جا سکتی ہے؟ امریکہ کے چرچ کے تہہ خانے میں نماز جمعہ کا بندوبست کیا جاتا ہے کیا یہ درست ہے؟

وضاحت مطلوب ہے کہ: (1) کیا تہہ خانہ چرچ کا حصہ ہے یا نہیں؟(2) کیا چرچ کے علاوہ اور مسجد نہیں جہاں جمعہ کی نماز پڑھی جا سکے؟

جواب وضاحت (1) جی ہاں تہہ خانہ چرچ کا حصہ ہے۔(2 ) ایک مسجد ہے لیکن اس میں سارے نمازی نہیں سما سکتے اور کوشش کے باوجود کہیں  اور جگہ نہیں ملی۔ اور جب جمعہ کی نماز ہوتی ہے تو چرچ کے تہہ خانے میں  موجود جتنی تصاویر ہوتی ہیں  اس پر پردے ڈال  دیتے ہیں۔

الجواب :بسم اللہ حامداًومصلیاً

چرچ میں نماز جمعہ یا نماز پڑھنا              مکروہ تحریمی ہے، چاہے تصویروں پر پردہ ڈال دیا جائے۔مسجد میں اگر ایک دفعہ میں سارے نمازی نہیں سما سکتے تو دو جماعتیں کر لی جائیں ۔

حاشیۃ ابن عابدین (43/2  مکتبہ: امدادیہ ملتان) میں ہے:

مطلب تكره الصلاة في الكنيسة :[تنبيه] يؤخذ من التعليل بأنه محل الشياطين  كراهة الصلاة في معابد الكفار لأنها مأوى الشياطين كما صرح به الشافعية ويأخذ مما ذكروه عندنا ففي البحر من كتاب الدعوى عند قول الكنز ولا يحلفون في بيت عباداتهم في التاترخانية يكره للمسلم الدخول في البيعة والكنيسة وإنما يكره من حيث إنه مجمع الشياطين لا من حيث إنه ليس له حق الدخول ا هـ قال في البحر والظاهر أنها تحريمية لأنها المرادة عند إطلاقهم وقد أفتيت بتعزير مسلم لازم الكنيسة مع اليهود ا هـ فإذا حرم الدخول فالصلاة أولى وبه ظهر جهل من يدخلها لأجل الصلاة فيها ۔

فتاویٰ حقانیہ(112/5) میں ہے:

مندر میں نماز پڑھنا تشبہ بالکفار کی وجہ سے مکروہ تحریمی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم

Share This:

© Copyright 2024, All Rights Reserved