میراث کی تقسیم

استفتاء

طارق صاحب کی وفات ہوگئی ہے ،ان کے ورثاء میں ایک بیٹا اور ایک  بیٹی  اورایک بیوی ہے جو کہ ان بچوں کی سوتیلی ماں اور طارق صاحب کی دوسری بیوی ہے ،پہلی بیوی نے طلاق لے کر دوسری جگہ شادی کرلی تھی  ،اور بچے باپ کے پاس رہے،باپ نے دونوں بچوں کی شادیاں کیں اور پھر بیٹے نےباپ کی بھی شادی کردی ۔اب باپ کی وفات کے بعد جائداد کی تقسیم کے متعلق پوچھنا ہے  کہ بیوی کا حصہ اور بچوں کا حصہ کس طرح تقسیم   ہوگا ؟مثال کے طور پر اگر کیش دس لاکھ ہے تو سب کو کتنا کتناحصہ ملےگا؟اورکیا گھر کا سامان بھی تقسیم ہوگا ؟اور وہ کپڑے  کا کام کرتے تھے ،گھر میں 25سوٹ لیڈیز اور 15سوٹ  مردانہ ہیں ،کیا یہ سب تقسیم   ہوں گے؟کس طریقے سے تقسیم ہوں گے ؟اس کے علاوہ 35000 ہزارروپےمہینے کا کرایہ آنا ہے وہ کرایہ کس طرح تقسیم ہوگا؟

وضاحت مطلوب ہے:والدین حیات ہیں یا نہیں ؟اور اگر فوت ہوگئے  تو ان کی وفات کب ہوئی؟

جواب وضاحت :والدہ 25سال پہلے فوت ہوئیں ہیں اور والد صاحب 15سال پہلے اور طارق صاحب سات دن پہلے فوت ہوئے ہیں ۔

الجواب :بسم اللہ حامداًومصلیاً

مذکورہ صورت میں کل ترکہ (یعنی جو مال بھی طارق صاحب مرحوم کی وفات کے وقت ان کی ملکیت میں تھا  چاہے وہ کیش کی شکل میں ہویا گھریلو سامان ہویاسوٹ یا جائداد وغیرہ ہو ) کےیا اسکی قیمت کے  24حصے کئے جائیں گے جن میں  سے بیوی کو 3حصے اور بیٹے کو14حصے اور بیٹی کو 7حصے دئے جائیں گے ۔

تقسیم کی صورت مندرجہ ذیل ہے:

                                    X3=248                                                      

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم