- رابطہ: 3082-411-300 (92)+
- ای میل: ifta4u@yahoo.com
- فتوی نمبر: 24-282
- تاریخ: اگست 15, 2024
- عنوانات: زکوۃ و صدقات, عبادات
استفتاء
مفتی صاحب کیا نرسری کے پھولوں وغیرہ پر زکوۃ ہ یا عشر ہے؟حال یہ ہے کہ ہم زمینداروں سے پودے لیتے ہیں اور بعض چیزیں ہم خود نرسری میں گملوں میں اگاتے ہیں پھر بیچتے ہیں ۔مطلب عشر دینا لازمی ہے یا زکوۃ ؟
الجواب :بسم اللہ حامداًومصلیاً
جن پودوں کو باقاعدہ کاشت کیا جاتا ہو،اور انہیں بیچ کر نفع کمانا مقصود ہوتو ان پودوں میں عشر واجب ہوتا ہے۔لہذا مذکورہ صورت میں ان پودوں میں عشر واجب ہوگا۔اور جو پودے زمینداروں سے خریدتے ہیں پھر ان کو کاشت کر کے بیچتے ہیں تو ان میں زکوۃ واجب ہو گی ۔کیونکہ ان کے خریدنے سےمقصود تجارت تھی اور مال تجارت میں زکوۃ واجب ہوتی ہے ۔ لہٰذا ان خریدے ہوئے پودوں میں زکوۃ واجب ہوگی۔
المبسوط لسرخسی ( 2/3)میں ہے :
الأصل عند أبي حنيفة رحمه الله تعالى أن كل ما يستنبت في الجنان ويقصد به استغلال الأراضي ففيه العشر الحبوب والبقول والرطاب والرياحين والوسمة والزعفران والورد والورس في ذلك سواء وهو قول ا بن عباس رضي الله عنهما
فتاوی شامی(229/3)میں ہے :
وما اشتراه لها أي للتجارةكان لهالمقارنة النية لعقد التجارة لا ما ورثه ونواه لها لعدم العقد إلا إذا تصرف فيه أي ناويا فتجب الزكاة لاقتران النية بالعمل .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved