گزشتہ سالوں کی زکاۃ ادا کرنے کا طریقہ

استفتاء

میرے پاس چھ تولہ سات ماشہ سونا ہے، میں نے 2017 سے 2021تک کی زکاۃ دینی ہے، میرے پاس پورا سال کوئی ایک مقدار میں پیسے نہیں ہوتے لیکن ہوتے ہیں آپ ساتھ پچاس ہزار لگا لیں کم و بیش اتنے ہوتے ہیں، مجھے زکاۃ کی مقدار بتا دیں کہ کتنی ادا کرنی ہے؟ ہر سال کی الگ الگ بتا دیں تو بھی بہتر ہےاور ساری بتا دیں تو بھی بہتر ہے۔

الجواب :بسم اللہ حامداًومصلیاً

آپ کے پاس جتنا سونا موجود ہے اس کی موجودہ قیمت کو اور جو نقد موجود ہے اس کو جمع کر لیں پھر کل رقم کا ڈھائی فیصد(%2.5 ) گزشتہ ہر قمری سال کے اعتبار سے اس طرح ادا کریں کہ ایک سال کی جو زکاۃ بنے اس کو اگلے سال کی زکاۃ نکالتے وقت کل رقم میں سے منہا کر دیں اسی طرح ہر سال کے لئے کریں مثلاً 1438ھ کی زکاۃ بیس ہزار بنی تو 1439ھ کی زکاۃ نکالتے وقت کل رقم میں سے بیس ہزار منہا کر لیں پھر باقی رقم کا ڈھائی فیصد ادا کریں اسی طرح ہر اگلے سال کے لئے کریں۔

بدائع الصنائع(2/106)میں ہے:’’فأما الزكاة ‌في ‌الذهب والفضة فإنما تجب لعينها دون القيمة‘‘بدائع الصنائع(2/111) میں ہے:‌’’لأن ‌الواجب الأصلي عندهما هو ربع عشر العين وإنما له ولاية النقل إلى القيمة يوم الأداء فيعتبر قيمتها يوم الأداء، والصحيح أن هذا مذهب جميع أصحابنا؛ لأن المذهب عندهم أنه إذا هلك النصاب بعد الحول تسقط الزكاة سواء كان من السوائم أو من أموال التجارة.ولو كان الواجب أحدهما غير عين عند أبي حنيفة لتعينت القيمة عند هلاك العين على ما هو الأصل في التخيير بين شيئين إذا هلك أحدهما أنه يتعين الآخر‘‘بدائع الصنائع(2/85)میں ہے:’’وأما وجوب الزكاة فمتعلق بالنصاب إذ الواجب جزء ‌من ‌النصاب، واستحقاق جزء ‌من ‌النصاب يوجب النصاب إذ المستحق كالمصروف۔۔۔ وبيان ذلك أنه إذا كان لرجل مائتا درهم أو عشرين مثقال ذهب فلم يؤد زكاته سنتين يزكي السنة الأولى، وليس عليه للسنة الثانية شيء عند أصحابنا الثلاثة‘‘فتاوی ہندیہ(1/383) میں ہے:’’العبرة في الزكاة للحول القمري كذا فى القنية‘‘۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم