موٹر سائیکل والے کی غلطی کے بغیر پیچھے بیٹھے ہوئے شخص کے مرنے سے کفارہ اور دیت کا حکم 

استفتاء

کیافرماتے ہیں علماء کرام اس مسئلہ کے بارے میں کہ عثمان اپنی موٹرسائیکل پر جارہاتھا کہ دو لڑکوں نے اس کو روکاکہ ہمیں بھی ساتھ لے چلو ،اس نے دونوں کو ساتھ بٹھالیا کہ اچانک ایک لڑکے کاپاؤں موٹرسائیکل  پہیے میں آگیا چین کور نہ ہونے کی وجہ سے   وہ  زخمی ہو گیا ۔عثمان اسے ہسپتال لے گیا وہاں پٹی کروائی لیکن زہر پھیلنے کی وجہ 8دن بعد وہ لڑکا فوت ہو گیا ،اب کیا عثمان پر کفارہ واجب ہے یانہیں ؟نیز یہ قتلِ خطاء کے زمرے میں ہے یا نہیں ؟عثمان بہت پریشان ہے کیونکہ وہ لڑکا اس کا رشتے دار ہے ۔

الجواب :بسم اللہ حامداًومصلیاً

مذکورہ صورت میں چونکہ موٹر سائیکل والے کی کوئی غلطی نہیں لہٰذا موٹر سائیکل والے پر نہ دیت لازم آئے گی اور نہ ہی کفارہ۔

بحوث فی قضایا فقہیہ (304/1)میں ہے :(المتسبب لايضمن الا ان يتعدى)۔۔۔۔۔۔۔(حد المتسبب:هوالذى حصل التلف بفعله ، وتخلل بين فعله والتلف فعل مختار) ومثاله :من حفر بئرا، فسقط فيها رجل، فالحافر مسبب لسوقطه، فيضمن ان كان متعديا فى الحفر وان لم يكن متعديا فلاضمان عليه۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم