بھولے سے بغیر وضو کے نماز پڑھ لی

استفتاء

کوئی آدمی بھولے سے بغیر وضو نماز پڑھے اور بعد میں وقت کے اندر یا وقت گذرنے کے بعد یاد آجائے تو اب اس کی ذمہ میں قضا کرنا ضروری ہے یا نہیں؟ اگر ضروری ہے تو پھر کس طرح قضا کرے گا؟ وقت کی نماز سے پہلے یا بعد میں ؟ اس طرح اگر  کسی کے نفل نماز بھول سے بغیر وضو کے پڑھا تو اب اس کی قضا کرنا ضروری ہے یا نہیں؟

الجواب :بسم اللہ حامداًومصلیاً

1۔ یاد آجائے تو ایسی نماز کو دوبارہ پڑھنا ضروری ہے، خواہ وقت کے اندر یاد آجائے یا وقت گذرنے کے بعد یاد آئے۔ اگر وقت میں یاد آجائے تو اسی وقت میں پڑھے تاکہ نماز قضا نہ ہو۔ اور اگر وقت گذرنے کے بعد یاد آئے اور دوسری نماز کے قضا ہونے کا اندیشہ نہ ہو تو پہلے یہ نماز پڑھے۔

2۔ نفل نماز کو پڑھنا ضروری نہیں۔ فقط واللہ تعالیٰ اعلم