مسجد کے فنڈ سے امام یا مؤذن کا علاج کروانا

استفتاء

السلام علیکم ورحمۃ اللہ وبرکاتہ

کیا فرماتے ہیں مفتیان کرام اس مسئلہ کے بارے میں کہ  مسجد کے امام ، مؤذن یا خادمین میں سے کوئی شدید بیمار ہو جائے اور ان کی مالی حالت کمزور ہو تو مسجد کی انتظامیہ ،امام ، مؤذن یا خادمین پر مسجد کے فنڈ میں سے علاج کے لیے رقم دے سکتی ہے؟اس کا شرعا کیا حکم ہے؟

الجواب :بسم اللہ حامداًومصلیاً

مذکورہ صورت میں اگر مسجد فنڈ میں گنجائش ہو تو امام ،مؤذن اور خادم کو علاج کیلئے دے سکتے ہیں ۔تاہم  یہ فیصلہ انتظامیہ کے فورم پر ہونا چاہیےکسی ایک فرد کا یا  بالا بالانہیں ہونا چاہیے۔