مدرسہ کی زمین میں ڈسپنسری بنانا

استفتاء

مدرسہ کے لیے وقف کی ہوئی زمیں میں رفاہ عامہ کے لیے ڈسپنسری قائم کرنا کیسا ہے۔

وضاحت: مدرسہ کی زمین تقریباً ایک  کنا ل ہے اور دوتین مرلہ پر پہلے ڈسپنسری قائم تھی بعد میں اس کو ختم کردیا گیا ۔ اب دریافت طلب مسئلہ یہ ہے کہ مدرسہ کے لیے وقف شدہ زمین میں اس کے تھوڑے سے حصے میں دو تین مرلہ میں ڈسپنسری قائم کرنے کا کیا حکم ہے؟

الجواب :بسم اللہ حامداًومصلیاً

اگر اس ڈسپنسر سے فائدہ اٹھانےوالے مدرسہ کے طلبہ بھی ہوں اور دیگر ضرورتمند بھی تو مدرسہ کی جگہ پر ڈسپنسری بنا سکتے ہیں البتہ وہ مدرسہ کے  تابع ہوگی۔ اور اس پر مدرسہ کا حق باقی رہے گا۔ فقط واللہ تعالیٰ اعلم