جمعہ کے دن کپڑے دھونا

استفتاء

کچھ لوگوں کا موقف ہے کہ جمعہ کے دن کپڑے دھونا گناہ ہے یا رزق  میں کمی کا باعث ہے؟آپ کا کیا مؤقف ہے؟

حدیث کی روشنی میں اصلاح فرمائیں

الجواب :بسم اللہ حامداًومصلیاً

مذکورہ بات درست نہیں ،بلکہ ایک  حدیث سے جمعہ کے دن کپڑے دھونے کا ثبوت بھی ملتا ہے ،کیونکہ ترمذی کی ایک حدیث میں آتا ہے :من غسل يوم الجمعة و اغتسل۔۔۔۔بعض شارحين نے ’’غسل‘‘کا معنی کپڑے دھونے سے کیا ہے۔

مرقاۃ المفاتیح میں ہے:

1388 – (وعن أوس بن أوس قال: قال رسول الله – صلى الله عليه وسلم: ” من غسل”) : بالتشديد ‌ويخفف أي: ثيابه، (” يوم الجمعة ") قال التوربشتي: روي بالتشديد والتخفيف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم