میسیج کے بذریعہ طلاق کا حکم

استفتاء

میرے شوہر***کا ایک نرس کے ساتھ تعلق تھا۔ پہلے وہ کہتے تھے  کہ تو میرے اوپر شک کرتی ہے میں چپ کر کے بیٹھی رہی لیکن وہ اس کو میری غیر موجودگی میں گھر لے کر آئے، میں نے پوچھا کہ آپ اس کو گھر لے کر آئے ہیں؟ وہ نہیں مانے لیکن جب میرے والدین نے آکر پوچھا تو کہا وہ میری بیوی ہے اس سے پہلے کبھی نہیں کہا تھا کہ میں شادی کی ہے۔ نرس کے والدین کو نہیں پتا تھا کہ اس نے شادی کی ہے۔ میرے والدین نے جا کر بتایا کہ آپ بیٹی نے میری بیٹی کا گھر خراب کر دیا ہے۔ ان کو نہیں پتہ تھا کہ ان کی بیٹی نے شادی کی ہے۔ اس کا بھائی ناراض ہوا اور کہا اس نے ہماری عزت خراب کی ہے اس وجہ سے ***نے مجھے طلاق دی ہے۔ فون پر میسج کیے کہ لوگ اس کے گھر کیوں گئے۔

یہ میری کوئی بات نہیں سنتے، مجھے گالی گلوچ کرتے ہیں، نہ مجھے پیسے دیتے ہیں لیکن میں پھر بھی چپ کر کے بیٹھی رہی۔ آپ پلیز کوئی حل نکال دیں۔ میں طلاق نہیں چاہتی، میرے دو بچے ہیں اس میں کوئی بچہ نہیں ہے اس کی ہر بات مانتے ہیں، اس کو ہر روز سیر کروانے لے کر جاتے ہیں مجھے کبھی  نہیں لے کر جاتے۔ شریعت یہ کہتی ہے کہ ایک کو جی اور ایک کو نی کہا جائے۔ آپ میرے  مسئلے کا کوئی بہتر حل نکال دیں مہربانی ہو گی۔ شوہر نے جو میسجز کیے وہ یہ ہیں:

الجواب :بسم اللہ حامداًومصلیاً

مذکورہ میسجز اگر شوہر نے طلاق کی نیت سے کیے ہیں تو ان میسجز کی رو سے تین طلاقیں ہو گئیں ہیں جس کے بعد صلح یا رجوع کی گنجائش نہیں۔ اور اگر شوہر کی مذکورہ میسجز سے طلاق کی نیت نہ تھی تو ان میسجز سے کوئی طلاق واقع نہیں ہوئی۔ لأن الرسالة بطريق الجوال في حكم الكتابة غير المرسومة.

فتاویٰ شامی (4/442) میں ہے:

الكتابة على نوعين: مرسومة، وغير مرسومة ونعني بالمرسومة أن يكون مصدرا ومعنونا مثل ما يكتب إلى الغائب، وغير المرسومة أن لا يكون مصدرا ومعنونا، وهو على وجهين: مستبينة، وغير مستبينة فالمستبينة ما يكتب على الصحيفة والحائط والارض على وجه يمكن فهمه وقراءته، وغير المستبينة ما يكتب على الهواء والماء وشئ لا يمكن فهمه وقراءته، ففي غير المستبينة لا يقع الطلاق وإن نوى، وإن كانت مستبينة لكنها غير مرسومة إن نوى الطلاق يقع، وإلا لا، وإن كانت مرسومة يقع الطلاق نوى أو لم ينو………………………………… فقط و الله تعالى أعلم