’’میں تجھے طلاق دے دوں گا‘‘ کا حکم

استفتاء

میرے شوہر نے مجھے تین سے چار دفعہ لڑائی میں کہا ہے کہ ’’میں تجھے طلاق دے دوں گا‘‘ لیکن ایک دفعہ نہیں کہا جیسے لڑائی ہوئی تو دھمکی دینے کے لیے بول دیا ہو۔ کیا کوئی طلاق تو نہیں ہوئی؟ میرے والد صاحب چاہتے ہیں کہ شوہر سے صلح سے پہلے ان الفاظ کے بارے میں فتویٰ لیا جائے۔

الجواب :بسم اللہ حامداًومصلیاً

مذکورہ صورت میں اگر آپ کے شوہر نے صرف یہ الفاظ کہے تھے کہ ’’میں تجھے طلاق دے دوں گا‘‘ تو ان الفاظ کے کہنے سے کوئی طلاق نہیں ہوئی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فقط و اللہ تعالیٰ اعلم