درود تاج پڑھنے کا حکم

استفتاء

درود تاج پڑھنا کیسا ہے؟

الجواب :بسم اللہ حامداًومصلیاً

درود تاج کسی حدیث سے ثابت بھی نہیں اور اس میں ایسے جملے بھی ہیں جو شرک کے موہم ہیں اس لئے درود تاج پڑھنا درست نہیں۔ کیونکہ اس میں اللہ تعالی کے بجائے آپﷺ کو بلاء اور وباء وغیرہ سے نجات دینے والاکہا گیا ہےایسے جملے شرک کے موہم ہیں۔

کفایت المفتی(2/101)میں ہے:

درود تاج کوئی ایسا درود نہیں جو آنحضرت ﷺ سے مروی ہو اور اس کے بعض جملے (مثلا: دافع البلاء والوباء والمرض والالم) مفہوم کے لحاظ سے قابل اعتراض ہیں اس سے بہتر وہ درود ہیں جو نبی کریم ﷺ سے مروی ہیں جیسے نماز کا درود۔ اور یہ افضل اعلی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم