- فتوی نمبر: 24-314
- تاریخ: 18 اپریل 2024
- عنوانات: حدیثی فتاوی جات > منتقل شدہ فی حدیث
استفتاء
کیا ایسی کوئی حدیث ہے کہ مردہ کو دفنانے کے بعد اتنی دیر اُس کے پاس کھڑا رہا جائے کہ جتنی دیر میں مثال کے طور پر اونٹ کی کھال اتار کر اونٹ کا گوشت کٹ کر تقسیم ہوجائے؟؟؟
الجواب :بسم اللہ حامداًومصلیاً
اس طرح کی حدیث ہے چنانچہ السنن الکبری(4/93) کتاب الجنائز میں ہے:
وروينا عن عمرو بن العاص رضي الله عنه قال لابنه عبدالله فإذا مت فلا تصحبنی نائحة و لا نار فإذا دفنتمونى فسنوا علي التراب سنا فاذا فرغتم من قبرى فامکثوا حول قبري قدرما تنحر جزور و يقسم لحمهافإنى أستأنس بکم حتى اعلم ما اراجع به رسل ربي
ترجمہ: جب حضرت عمرو بن عاصؓ کا انتقال ہونے لگا تو انہوں نے اپنے بیٹے سے فرمایا کہ جب میرا انتقال ہوجائے تو میرے جنازے کے ساتھ کوئی نوحہ کرنے والی نہ جائے اور نہ ہی آگ لے کر جائے اور جب تم لوگ مجھ کو دفن کر چکو اور مٹی ڈال چکو تو میری قبر کے ارد گرد اتنی دیر ٹھہرنا جتنی دیر میں ایک اونٹ ذبح کرکے اس کا گوشت تقسیم کیا جاتا ہے تاکہ تمہاری وجہ سے مجھے انس رہے اور میں غور کر سکوں کہ اللہ تعالیٰ کے بھیجے ہوئے فرشتوں کو کیا جواب دوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved