پریشانی کے وقت کی دعا کے ثبوت کی تحقیق

استفتاء

حضور ﷺ پریشانی کے وقت دعاء مانگتے تو یہ کہتے:

“لا إله إلا الله العظيم الحليم، لا إله إلا الله ‌رب ‌العرش العظيم، لا إله إلا الله رب السماوات ورب الأرض، ورب العرش الكريم”(صحيح البخارى)

“اللہ کے سوا کوئی معبود نہیں جو بڑی عظمت والا،بردبار ہے ،اللہ کے سوا کوئی معبود نہیں جو بڑے عرش کا مالک ہے ،اللہ کے سوا کوئی معبود نہیں جو مالک ہے آسمانوں کا اور زمین کا اور مالک ہے عزت والے عرش کا”

مفتی صاحب یہ دعاء پڑھنا ٹھیک ہے ؟یہ ثابت ہے کسی جگہ سے یا نہیں؟

الجواب :بسم اللہ حامداًومصلیاً

مذکورہ دعاء ثابت ہے یعنی یہ روایت  صحیح البخاری( رقم الحدیث:6345)،صحیح مسلم (رقم الحدیث:2730)اور حدیث کی متعدد کتب میں موجود ہے اور آپﷺ پریشانی کے وقت یہ دعاء  مانگا کرتے تھے۔

صحيح البخاری (5/2336)میں ہے:

عن ‌ابن عباس رضي الله عنهما ان رسول الله صلي الله عليه وسلم كا ن يقول  ‌عند ‌الكرب: ‌لا ‌إله ‌إلا ‌الله ‌العظيم ‌الحليم، لا إله إلا الله ‌رب ‌العرش العظيم، لا إله إلا الله رب السماوات ورب الأرض، ورب العرش الكريم.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم