جوان کے توبہ کرنے سے قبرستان میں چالیس دنوں تک عذاب کا ہٹ جانا

استفتاء

(1)جوان کا توبہ کرنا:حضرت محمد ﷺ نے فرمایا ہے:”جب ایک جوان انسا ن توبہ کرتا ہے تو مشرق سے مغرب تک کے قبرستانوں میں سے چالیس دن تک عذاب ہٹا لیا جاتا ہے

(2)اور آپ ﷺ نے فرمایا :”اللہ اس کے چہرے کو روشن کرے جو حدیث سن کر آگے پہنچائے“

الجواب :بسم اللہ حامداًومصلیاً

(1):مذکورہ بالا کلام کو سوشل میڈیا پر "سنن ابن ماجہ” کی طرف منسوب کرکے پیش کیا جاتا ہے، حالانکہ حقیقت میں یہ کلام نہ ہی سنن ابن ماجہ میں ملتا ہےاور نہ ہی احادیث مبارکہ کی دوسری کتب میں ملتا ہے،البتہ  اس کے مفہوم میں ایک روایت علامہ عجلونی ؒ نے ”کشف الخفاء “میں ذکر کر کے بے اصل کہا ہے۔

(2): مذکورہ حدیث صحیح ہے ۔ابن ماجہ اور دیگر کتب حدیث میں بھی موجو د ہے۔

(1)کشف الخفاء(1/254)میں ہے

ﺇﻥ ﺍﻟﻌﺎﻟﻢﻭﺍﻟﻤﺘﻌﻠﻢ ﺇﺫﺍ ﻣﺮﺍ على  قرﻳﺔ ﻓﺈﻥ ﺍﻟﻠﻪ ﻳﺮﻓﻊﺍﻟﻌﺬﺍﺏ ﻋﻦ ﻣﻘﺒﺮﺓ ﺗﻠﻚ ﺍﻟﻘﺮﻳﺔ ﺃﺭﺑﻌﻴﻦ ﻳﻮﻣﺎ

قال السيوطي :لا اصل له

(2)سنن ابن ماجہ (1/ 85) میں ہے

عن عبد الرحمن بن عبد الله عن أبيه أن النبي صلى الله عليه و سلم قال” نضر الله امرأ سمع منا حديثا فبلغه“

(2)عمدة القاری(2/ 465) میں ہے

عبد الرحمان بن عبد الله بن مسعود عن أبيه قال سمعت النبي يقول نضر الله إمرأ سمع منا شيئا فبلغه كما سمع فرب مبلغ اوعى من سامع قال الترمذي حديث حسن صحيح……..قال الحاكم صحيح على شرط الشيخين.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم