“تکبیر اولیٰ کا ثواب دنیا وما فیہا سے زیادہ ہے” کی تحقیق

استفتاء

“تکبیر اولیٰ کا ثواب دنیا وما فیہا سے زیادہ ہے” اس روایت  کی تحقیق مطلوب ہے۔

الجواب :بسم اللہ حامداًومصلیاً

یہ روایت متعدد کتب میں مذکور ہے تاہم ان میں سے کسی میں بھی اس کی سند مذکور نہیں اور نہ ہی ہمیں تلاش کے باوجود اس کی کوئی سند ملی ہے لہذا سند کے لحاظ سے اس حدیث کے بارے میں کچھ نہیں کہا جا سکتا،تاہم ایک حدیث میں ہے کہ تکبیر (اللہ اکبر کہنا) مطلقاً یعنی تکبیرِ اولی کی قید کے بغیر دنیا و مافیہا سے بہتر ہے،اور یہ حدیث اپنے اطلاق کے ساتھ تکبیرِ اولی کو بھی شامل ہے یعنی تکبیر (اللہ اکبر) کہنا دنیا وما فیہا سے بہتر ہے خواہ وہ تکبیرِ اولی کی شکل میں ہو یا اس کے بغیر ہو۔یہ بھی ممکن ہے کہ اگرچہ اس حدیث کے الفاظ عام ہیں لیکن اس سے مراد خاص تکبیرِ اولی ہو۔

التعلیقۃ للقاضی حسین (2/844) میں ہے:

روي أن النبي صلى الله عليه وسلم قال: ‌التكبيرة ‌الأولى خير من الدنيا وما فيها

الکافی شرح اصول البزدوی (1/407) میں ہے:

وبقول النبي عليه السلام: (‌التكبيرة ‌الأولى خير من الدنيا وما فيها)

مصنف ابن ابی شیبہ (16/375) میں ہے:

حدثنا عبدة بن سليمان، عن صالح بن حيان قال: سمعت أبا وائل يقول: أعطاني عمر أربع أعطية بيده، وقال: «‌التكبير ‌خير من الدنيا وما فيها»

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم