حضرت فاطمہ کی قبر سے آواز آنے والی روایت کی تحقیق

استفتاء

“حضرت فاطمہ رضی اللہ تعالیٰ عنہ کی وفات کے وقت جب ان کو قبر میں اتارا جا رہا تھا تو قبر نے کہا کہ یہ وہ جگہ ہے، جہاں نسب نہیں چلتا، صرف عمل چلتا ہے”

اس  روایت کی تحقیق  مطلوب ہے۔

الجواب :بسم اللہ حامداًومصلیاً

مذکورہ روایت تلاش کے باوجود کسی معتبر کتاب میں سند کے ساتھ  ہمیں  نہیں ملی تاہم علامہ عثمان بن احمد شاکر رحمۃ اللہ علیہ نے اپنی کتاب درۃ الناصحین  میں مشکوٰۃ الانوار نامی کتاب (جوکہ ایک شیعہ  عالم کی کتاب ہے) سے  اس روایت کو بلا سند نقل کیا ہے لیکن ہمیں مشکوٰۃ الانوار میں یہ روایت نہیں ملی البتہ معنیٰ کے لحاظ سے مذکورہ بات درست ہے۔

درة الناصحين (ص 154) میں ہے:

حكي ان فاطمة الزهراء بنت النبي صلى الله عليه وسلم لما ماتت حمل جنازتها أربعة نفر زوجها علي وابناها الحسن والحسين وابو ذر الغفاري رضي الله تعالى عنهم اجمعين فلما وضعوها على شفير القبر قام ابو ذر فقال يا قبر اتدري من التي جئنا بها اليك هي فاطمة الزهراء بنت رسول الله صلى الله عليه وسلم وزوجة علي المرتضى وام الحسن والحسين فسمعوا نداء من القبر يقول ما انا موضع حسب ونسب وانما انا موضع العمل الصالح فلا ينجو مني الا من كثر خيره وسلم قلبه وخلص عمله كذا في مشكاة الانوار.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم