لا اله الا الله کی فضیلت کے متعلق احادیث

استفتاء

لا اله الا الله کی فضیلت  کے متعلق احادیث بتائیں۔ ساتھ میں احادیث کا حوالہ بھی بتائیں۔

الجواب :بسم اللہ حامداًومصلیاً

لا اله الا الله کی فضیلت میں متعدد روایات کتب حدیث میں  مروی ہیں ۔ تفصیل کے لیے منتخب احادیث اور فضائل ذکر (از شیخ الحدیث مولانا زکریا صاحبؒ)ملاحظہ فرمائیں۔ بطور نمونہ چند روایات بمع حوالہ درج ذیل ہیں:

صحیح بخاری (رقم الحدیث:44) میں ہے:

عن ‌أنس، عن النبي صلى الله عليه وسلم ‌قال: «‌يخرج ‌من ‌النار من قال لا إله إلا الله وفي قلبه وزن شعيرة من خير، ويخرج من النار من قال لا إله إلا الله وفي قلبه وزن برة من خير، ويخرج من النار من قال لا إله إلا الله وفي قلبه وزن ذرة من خير.»

ترجمہ: حضرت انس ؓ  آپﷺ سے روایت کرتے ہیں کہ آپﷺ نے فرمایا:اس شخص کو بھی آگ سے نکال لیا جائے گا جس نے لا اله الا الله پڑھا اور اس کے دل میں ایک جو کے برابر خیر ہوگی اور اس شخص کو بھی آگ سے نکال لیا جائے ا جس نے  لا اله الا الله  پڑھا اور اس کے دل میں گندم کے دانے کے برابر خیر ہوگی اور اس شخص کو بھی آگ سے نکال لیا جائے گا جس لا اله الا الله نے پڑھا اور اس کے دل میں ایک ذرے کے برابر خیر ہوگی۔

صحیح بخاری (رقم الحدیث: 415) میں ہے:

ان عتبان بن مالك رضى الله وهو من اصحاب رسول الله صلى الله عليه وسلم ………………… قال رسول الله صلى الله عليه وسلم: فإن الله قد حرم على النار من قال لا إله إلا الله، ‌يبتغي ‌بذلك ‌وجه ‌الله»

ترجمہ: حضرت عتبان بن مالکؓ رسول اللہ ﷺ کے صحابی ہیں فرماتے ہیں کہ رسول اللہﷺ نے فرمایا: اللہ نے اس شخص کو آگ پر حرام کردیا ہے جس نے اللہ کی رضا کے لیے لا اله الا الله پڑھا۔

سنن ابن ماجہ (رقم الحدیث:4312) میں ہے:

حدثنا انس بن مالك رضى الله تعالى عنه أن رسول الله صلى الله عليه وسلم قال يخرج من النار من قال : لا اله الا الله

ترجمہ: راوی کہتے ہیں کہ ہم کو حضرت انسؓ نے بتایا کہ آپﷺ نے فرمایا وہ شخص آگ سے نکال جائے گا جس نے لا اله الا الله پڑھا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم