جمعہ کے دن درود شریف پڑھنے کی فضیلت

استفتاء

میرے علم میں  یہ بات آئی ہے کہ اگر ایک مخصوص درود شریف جمعہ کے دن پڑھا جائے تو وہ اس وقت تک نہیں مرے گا جب تک جنت میں اپنا ٹھکانہ نہ دیکھ لے۔ کیا یہ بات مستند ہے؟ اگر مستند ہے تو اس  کا متن اور حوالہ بھیج دیں۔

الجواب :بسم اللہ حامداًومصلیاً

حدیث میں صرف یہ ہے کہ جو شخص جمعہ کے دن مجھ پر ہزار مرتبہ درود شریف پڑھے گا تو وہ اس وقت تک فوت نہ ہوگا جب تک جنت میں اپنا ٹھکانہ نہ دیکھ لے اس میں درود شریف کے کوئی مخصوص الفاظ بیان نہیں کیے گئے اور بعض احادیث میں یہ ہے کہ جو شخص ہر روز ہزار مرتبہ درود پڑھے تو اس وقت تک فوت نہ ہوگا جب تک جنت میں اپنا ٹھکانہ نہ دیکھ لے۔

القول البدیع (ص:199) میں ہے:

عن أنس رضى الله عنه قال قال رسول لله صلى الله عليه وسلم: من صلى علي يوم الجمعة الف مرة لم يمت حتى يرى مقعده من الجنة.

القول البدیع (ص:132) میں ہے:

عن أنس بن مالك رضي الله عنه قال: قال رسول الله صلى الله عليه وسلم من صلى علي في يوم ألف مرة لم يمت حتى يرى مقعده في الجنة.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم