انگوٹھے چومنا

استفتاء

درود شریف پڑھتے ہوئے یا محمد نبی کریم ﷺ کا اسم گرامی  آنے پر انگوٹھے چومنا سنت یا حدیث سے ثابت ہے ؟ کہتے ہیں کہ حضرت ابوبکر صدیق ؓ نے ایسا کیا تھا ۔برائے مہر بانی باحوالہ جواب عنایت فرمائیں

الجواب :بسم اللہ حامداًومصلیاً

آپ ﷺ کا نام لیتے وقت یا سنتے وقت انگوٹھے چومنا کسی قابل اعتبار حدیث سے ثابت نہیں۔

چنانچہ علامہ جلال الدین سیوطی ؒ لکھتے ہیں :

الاحادیث التی رویت فی تقبیل الانامل وجعلها علی العنیین عند سماع اسمه ﷺ عن المؤذن فی کلمة الشهادة کلها موضوعات(بحوالہ راہ سنت)

ترجمہ:اذان میں کلمہ شہادت سننے کے وقت انگلیوں کے چومنے اور انہیں  آنکھوں پر لگانے کے سلسلے میں مروی روایات موضوع اور من گھڑت ہیں۔۔