کیاقرآن کےمطابق سورج حرکت کرتاہے؟

استفتاء

قرآن کے مطابق کیا سورج حرکت کرتا ہے؟

الجواب :بسم اللہ حامداًومصلیاً

سورج کاحرکت کرنا یا نہ کرنا قرآن کا اصل موضوع نہیں ہے ۔قرآن انسان کے اعمال وحرکات کو درست سمت دینے کےلیے آیا ہے ۔کائنات حقائق  یا واقعات میں قرآن اس عام محاورے کوسامنے رکھتاہے جس پر لوگ اپنی بول چال کامدار رکھتے ہیں ،سائنسی حقائق اس عام مشاہدے سے مختلف ہوسکتے ہیں مگر تعبیرات میں وہی الفاظ استعمال کیے جاتے ہیں ۔چنانچہ علم ہیئت کی تحقیق چاہےکچھ بھی ہو ہیئت کے ماہر بھی اپنی تحریروں میں یہی لکھتے اوربولتے ہیں کہ سورج غروب ہوا سورج طلوع ہوایا سورج ڈھل گیا وغیرہ ۔

قرآن پاک میں سورج کی حرکت کا تذکرہ ہے چنانچہ دیکھیے سورہ کہف کی آیت نمبر86اورسورہ یسین کی آیت نمبر38۔مگر یہ کسی سائنسی حقیقت کابیان نہیں ہے بلکہ عام مشاہدے کی تعبیر ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم