گم شدہ موبائل مل جائے تو کیا کرنا چاہیے؟

استفتاء

السلام علیکم ورحمۃ اللہ وبرکاتہ

راستہ میں  جارہے تھے تو کوئی کارڈ نما چیز نظر آئی جب جاکر اس کو سائیڈ پے کرنے لگے تو موبائل تھا اس کی مالیت اٹھارہ ہزار کے قریب ہے ۔آپ بتائیں  کیا کریں ؟اگر اس کے مالک کو دیتے ہیں  تو لوگ یہ الزام لگاتے ہیں  اس کے ساتھ پرس تھا یا پیسے تھے وغیرہ وغیرہ۔

الجواب :بسم اللہ حامداًومصلیاً

گری پڑی چیز کو جہاں  تک ممکن ہو اصل مالک تک پہنچانا ضروری ہے موبائل فون کے اصل مالک تک رسائی بہت آسان ہے ۔اس لیے بہرصورت اسے ہی پہنچائیں  ۔باقی یہ اندیشہ کہ وہ مزید چیزوں  کا مطالبہ کرے گا یہ ایک بعید اندیشہ ہے جس کا اعتبار نہیں