بینک میں نوکری کرنے کاحکم

استفتاء

السلام علیکم ورحمۃ اللہ وبرکاتہ

میرا نام وجاہت ہے میرا ایک دوست ایک اسلامک بنک میں  نوکری کرتا ہے اور اس کاڈیپارمنٹ آڈٹ ہے وہاں  پر میرے لیے بھی ایک جگہ ہے میں  نے سی ۔اے(یعنی اکائونٹ کی بڑی ڈگری ہے) کیا ہے اور نوکری کی تلاش کررہا ہوں  مگر ابھی تک کئی اور سے بہت زیادہ امید نہیں  ہے کیا میں وہاں  پر نوکری کرلوں  ؟اور کیااس کی کمائی مجھ پر حلال ہو گی؟

وضاحت مطلوب ہے :

۱۔اسلامی بنک کونسا ہے؟۲۔آپ کے معاشی حالات کیا ہیں ؟۳۔آپ کا کام وہاں  کیا ہوگا؟

جواب وضاحت :

۱۔اسلامی بنک کام m.i.bہے جو کہ mcbبنک کی اسلامی شاخ ہے۔۲۔میرے معاشی حالات الحمد للہ بہتر ہیں  اور مزید چند ماہ انتظار کرسکتا ہوں  البتہ یہ بات بھی غور طلب ہے کہ کوئی اور موقعہ آتا ہے یا نہیں ؟۳۔میں  وہاں  پر آڈٹ کاکام کروں  گا جس میں  بنک کے سارے آپریشنز آہیں  گے اور اس میں  اجارہ وغیرہ بھی آئے گا۔

الجواب :بسم اللہ حامداًومصلیاً

ہماری تحقیق میں  اسلامی بینکنگ کا نظام پورے طور پر اسلامی نہیں  اس لیے اصل تو یہ ہے کہ کسی بھی اسلامی بینک میں  ملازمت کرنے سے پرہیز کیا جائے تاہم جب تک کوئی معقول متبادل ذریعہ معاش سامنے نہ ہو تو اس وقت تک اسلامی بینک میں  ملازمت کرنے کی گنجائش ہوسکتی ہے