قبر پر بلند آواز سے  قرآن پڑھنا یا بلند آواز سے دعا کرنے کا حکم

استفتاء

کیا فرماتے ہیں مفتیان کرام اس مسئلہ کے بارے میں کہ قبر پر بلند آواز سے قرآن مجید کی تلاوت کرنا یا بلند آواز سے دعا کرنا کیسا ہے؟

الجواب :بسم اللہ حامداًومصلیاً

قبر پر بلند آواز سے قرآن پاک پڑھنے یا اونچی آواز سے دعا کرنے کی گنجائش ہے ۔

فتاوی رشیدیہ(۲۶۶)میں ہے:سوال: قبرستان میں قرآن شریف آواز سے پڑھنا درست ہے یانہیں؟جواب:قبرستان میں قرآن شریف پکار کر اور آہستہ ،دیکھ کر اور حفظ سب طرح درست ہےفتاوی محمودیہ(۲۵۹/۹)میں ہے:سوال:قبر پر تلاوت بلند آواز سے پڑھنی چاہئے یا آہستہ سے؟ اور بزرگوں کے مزاروں پر کثرت سے قرآن خوانی بلند آواز سے ہوتی ہے،کیا حکم ہے؟جواب:دونوں طرح درست ہے بشرطیکہ کوئی عارض نہ ہو۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم