قرآن ہاتھ میں لے کرقسم کےالفاظ نہیں بولے سے قسم منعقد ہونے کاحکم

استفتاء

السلام علیکم ورحمۃ اللہ وبرکاتہ

کیا فرماتے ہیں مفتیان کرام اس مسئلہ کے بارے میں کہ ایک عورت شادی شدہ ہے اور اس کے کسی دوسرے آدمی سے ناجائز تعلقات تھے جس کی خبر اس کے شوہر کو ہوگئی اور اس کے شوہر نے اپنی بیوی کے ہاتھ میں قرآن دے کر حلف اٹھوایا کہ بتاؤ ،پھر عورت نے قرآن ہاتھ میں لے کر یہ الفاظ بولے کہ میرے اس آدمی سے تعلقات نہیں ہیں، حالانکہ اس کے ناجائز تعلقات تھے، عورت نے قرآن ہاتھ میں لے کر قسم کے الفاظ نہیں بولےبس مذکورہ الفاظ بولے ہیں۔ اب شریعت کی روشنی میں جواب عنایت فرمائیں کہ مذکورہ صورت میں قسم ہو ئی یا نہیں؟اگر ہوئی تو اس کا کفارہ کیا ہو گا؟

الجواب :بسم اللہ حامداًومصلیاً

مذکورہ صورت میں چونکہ قسم کے الفاظ نہیں بولے گئے اس لیے مذکورہ صورت میں قسم نہیں ہوئی اور جب قسم نہیں ہوئی تو کفارہ بھی نہیں ہے