ایسی حدیث جس میں گائے کا دودھ پینے اور اس کے دودھ میں تمام بیماریوں کی شفاء ہونے کا تذکرہ ہو۔

استفتاء

کیا کوئی ایسی حدیث   موجود ہے جس میں گائے کا دودھ پینے اور اس کے دودھ میں تمام بیماریوں کی شفاء ہونے کا تذکرہ ہو۔

الجواب :بسم اللہ حامداًومصلیاً

مذکورہ روایت السنن الکبریٰ للبیہقی (رقم الحدیث:6834) اور صحیح ابن حبان (رقم الحدیث:4618) میں موجود ہے۔ روایت کے الفاظ یہ ہیں:

عن عبد الله بن مسعود، قال: قال رسول الله صلى الله عليه وسلم: «ما أنزل الله داء إلا أنزل له دواء، فعليكم بألبان البقر؛ فإنها ترم ‌من ‌كل ‌الشجر

روايت    کا مفہوم یہ ہے کہ:

اللہ تعالیٰ نے جو بیماری بھی اتاری ہے اس کا علاج بھی اتارا ہے تمہیں چاہیے کہ گائے کا دودھ پیو اس لیے کہ وہ ہر قسم کے درخت سے چرتی ہے۔

نوٹ: اس حدیث میں گائے کا دودھ استعمال کرنے کی ترغیب ہے لیکن یہ صراحت نہیں کہ اس میں تمام  بیماریوں کی شفاء ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم