عقیقہ کے بکروں کی عمر؟ عقیقہ کا گوشت کیسے بانٹا جائے؟ختنہ کے وقت کوئی عمل یا دعا؟

استفتاء

1) لڑکے کے عقیقے کے لیے دو بکرے لینے ہیں ان کی عمر کتنی ہونی چاہیے؟

2)اور کیا کچا گوشت بانٹنا لازمی ہے یا پکا کر بھی کھلا سکتے ہیں؟

3) لڑکے کی سنتوں کے وقت کوئی دعا یا عمل ہے تو بتا دیں؟

الجواب :بسم اللہ حامداًومصلیاً

1) ایک سال (چاند کے حساب سے) جس کی علامت دوندا ہونا ہے۔

2) دونوں طرح کر سکتے ہیں۔

3) ہمارے علم میں اس موقع پر کوئی خاص عمل یا دعا نہیں ہے۔

بہشتی زیور ،چھٹا حصہ: رسوم کے بیان میں ، ختنہ کی رسموں کا بیان (طبع:مکتبہ الحرم لاہور،صفحہ نمبر 463)میں ہے:"جب بچے میں برداشت  کی قوت دیکھیں چپکے سے نائی کو بلا کر ختنہ کرا دیں۔ جب اچھا ہو جائے غسل کرا دیں، اگر گنجائش ہو اور پابندی بھی نہ کرے اور شہرت و نمود اور طعن و بدنامی کا بھی خیال نہ ہو تو دو چار یار دوست یا دو چار غریبوں کو جو میسر ہو کھلا ئے۔ اللہ اللہ خیر صلاح۔ لیکن بار بار ایسا بھی نہ کرے ورنہ پھر رسم پڑ جائے گی۔”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم