“بغیر گوشت والے چہرے” والی حدیث کی تحقیق

استفتاء

بغیر گوشت والے چہرے

نبی کریمﷺ نے فرمایا کہ اللہ عزوجل میری امت میں سے دس طرح کے افراد پر قیامت کے دن اظہار ناراضگی فرمائے گا اور ان کو جہنم میں ڈال دینے کا حکم فرمائے گا اور ان کے جو چہرے ہوں گےبغیر گوشت کے ہوں گے، عرض کیا یا رسول اللہ وہ کون سے دس لوگ ہیں تو آپﷺ نے فرمایا:

1۔بوڑھا زانی 2۔گمراہ پیشوا 3۔شرا ب کا عادی 4۔والدین کا نافرمان 5۔چغل خور 6۔جھوٹا گواہ 7۔زکوٰۃ ادا نہ کرنے والا 8۔سود خور 9۔ ظالم 10۔نمازوں کو چھوڑ دینے والا۔

کیا یہ حدیث درست ہے؟

الجواب :بسم اللہ حامداًومصلیاً

ہمیں خاص  یہ وعید ان  تمام لوگوں کے بارے میں تو کسی حدیث میں  نہیں ملی جن کا ذکر مذکورہ پوسٹ میں ہے البتہ دو لوگوں کے بارے میں الگ الگ حدیث میں مذکورہ وعید کا ذکر ملتا ہے وہ دو لوگ یہ ہیں:

1۔جو بغیر حاجت کے بھیک مانگے ۔2۔ جو قرآن  پاک پڑھ کر لوگوں سے پیسے کمائے۔

صحيح مسلم  (2/ 720) میں ہے:

حدثني أبو الطاهر، أخبرنا عبد الله بن وهب، أخبرني الليث، عن عبيد الله بن أبي جعفر، عن حمزة بن عبد الله بن عمر، أنه سمع أباه، يقول: قال رسول الله صلى الله عليه وسلم: «ما يزال الرجل ‌يسأل ‌الناس، ‌حتى يأتي يوم القيامة وليس في وجهه مزعة لحم»

شعب الإيمان (4/ 195) میں ہے:

«أخبرنا أبو عبد الله الحافظ، وأبو القاسم بن حبيب المفسر من أصل كتابه، ومحمد بن موسى بن الفضل، قالوا: حدثنا أبو عبد الله محمد بن عبد الله الصفار الأصبهاني، حدثنا أحمد بن ميثم بن أبي نعيم الفضل بن دكين، حدثنا علي بن قادم الخزاعي، عن سفيان الثوري، عن علقمة بن مرثد، عن سليمان بن بريدة، عن أبيه، قال: قال رسول الله صلى الله عليه وسلم: ” ‌من ‌قرأ ‌القرآن يتأكل به الناس جاء يوم القيامة ووجهه عظم ليس عليه لحم “»

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم