دس سال تک سالانہ دو کلو گھی کے بدلے میں بکری خریدنا

استفتاء

مفتی صاحب میں کسی شخص سے ایک بکری خریدتا ہوں اس شرط پر کہ میں اس بکری کے عوض ہر سال دو کلو اس بکری کا گھی دس سال تک دونگا ۔ اگر کسی سال بکری دودھ نہ بھی دے پھر بھی دو کلو گھی دینا ہوتا ہے ۔ اگر وہ بکری وقت سے پہلے مر جائے تو بھی دینا ہوتا ہے ۔ کیا یہ درست ہے ؟

الجواب :بسم اللہ حامداًومصلیاً

مذکورہ صورت جائز ہے۔

توجیہ: مذکورہ صورت میں دس سال تک سالانہ د وکلو گھی اس بکری کی قیمت  شمار ہوگا اور چونکہ یہ طے  ہے کہ چاہے وہ بکری دود ھ نہ دے یا مرجائے تب بھی گھی دینا پڑے گا یعنی اصلاً خاص اس بکری کے دودھ کا گھی مراد نہیں لہٰذا مذکورہ صورت میں کوئی اشکال نہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم