- فتوی نمبر: 24-144
- تاریخ: 24 اپریل 2024
- عنوانات: حدیثی فتاوی جات > منتقل شدہ فی حدیث
استفتاء
رسول اللہ ﷺ نے ارشاد فرمایا: ایک مرتبہ ایک شخص نے یہ کلمہ کہا :
يَا رَبِّ لَكَ الْحَمْدُ كَمَا يَنْبَغِي لِجَلَالِ وَجْهِكَ وَلِعَظِيمِ سُلْطَانِكَ
فرشتے گھبرا گئے کہ اس کا کتنا اجر لکھیں ۔ آخر اللہ تعالی سے انہوں نے عرض کیا کہ آپ کے بندے نے ایک ایسا کلمہ کہا ہے کہ ہم نہیں جانتے کہ ہم اس کلمے کا ثواب کیا لکھیں ؟ پروردگار نے باوجود جاننے کے پوچھا کہ اس نے کیا کہا ہے ؟ انہوں نے بیان کیا کہ یہ کلمہ کہا ہے ۔ اللہ تعالی نے فرمایا : تم اس (مذکورہ ) کلمے کو اسی طرح لکھ لو ، میں اسے اپنی ملاقات کے وقت (قیامت کے دن) اس کا اجر خود دے دوں گا ۔(ابن ماجہ ، 3801 صحیح ، تفسیر ابن کثیر 1/46)
کیا یہ درست ہے ؟
الجواب :بسم اللہ حامداًومصلیاً
یہ درست ہے یعنی مذکورہ حدیث سنن ابن ماجہ(رقم الحدیث 3801)،شعب الایمان للبیھقی(رقم الحدیث 4387) اورالمعجم الکبیر للطبرانی(رقم الحدیث 13297)میں موجودہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved