ایک حافظ قرآن کا دس آدمیوں کو جنت میں لیجانا

استفتاء

کیا یہ بات صحیح ہے کہ ایک  حافظ  قرآن کسی بھی دس آدمیوں کو جنت  میں اپنے ساتھ لے جائےگا؟

الجواب :بسم اللہ حامداًومصلیاً

مذکورہ  بات درست ہے  البتہ جس حدیث میں مذکورہ بات  کا تذکرہ ہے وہ سند کے اعتبار سے ضعیف ہے لیکن  فضائل  میں ضعیف  حدیث بھی قابل  اعتبار ہے ۔

چنانچہ ترمذی شریف (1/118) میں ہے:

” عن علي بن أبي طالب قال : قال رسول الله صلى الله عليه و سلم من قرأ القرآن واستظهره فأحل حلاله وحرم حرامه أدخله الله به الجنة وشفعه في عشرة من أهل بيته كلهم وجبت له النار

 قال أبو عيسى هذا حديث غريب لا نعرفه إلا من هذا الوجه وليس إسناده بصحيح و حفص بن سليمان يضعف في الحديث "

 ترجمہ:حضرت علی رضی اللہ عنہ  نے حضورﷺ کا ارشاد نقل کیا ہے کہ جس شخص  نے قرآن پڑھا ،پھر اس کو حفظ یاد کیا، اور اس کے حلال کو حلال جانا ،اور حرام کو حرام،حق تعالی شانہ اس کو جنت  میں داخل فرماویں گے ،اور اس کے گھر انے میں سے ایسے دس آدمیوں  کے بارے  اس کی شفاعت قبول فرماویں گے جن  کے لیے جہنم واجب ہوچکی ہو۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم