غیر مسلم کے ہاتھ کاپکاہوا کھانا کھانا

استفتاء

السلام علیکم ورحمۃ اللہ وبرکاتہ

کسی غیر مسلم عورت یا مرد کے ہاتھ کا پکا ہوا کھانا جائز ہے یا نہیں ؟

اصل میں میں نے اپنے گھر کے کام کاج کے لیے ایک عورت رکھی ہے جو کہ مذہباعیسائی ہے اور یہ کھانا بھی بناکے دیتی ہے مجھے کوئی کہتا ہے کہ یہ ناپاک ہوتے ہیں اس لیے ان کے ساتھ یا ان کا کھانا جائز نہیں ۔کچھ کہتے ہیں یہ اہل کتاب ہیں اس لیے جائز ہے ۔

الجواب :بسم اللہ حامداًومصلیاً

غیر مسلم کے جسم کو اگر ظاہری نجاست (ناپاکی)لگی ہوئی نہ ہو تو ان کا جسم نجس (ناپاک)نہیں ۔لہذا عیسائی عورت کے ہاتھ کا پکا ہوا کھانا ،کھانا جائز ہے ۔