- فتوی نمبر: 24-0000
- تاریخ: 24 اپریل 2024
- عنوانات: حدیثی فتاوی جات > منتقل شدہ فی حدیث
استفتاء
اگر کوئی مرد یا عورت زنا کاری کریں اور بعد میں اس کو اپنے گنازہ کا احساس ہو تو اس کی معافی کس طرح ممکن ہے؟
الجواب :بسم اللہ حامداًومصلیاً
اگر کسی سے زنا سرزد ہوجائے تو کسی سے تذکرہ نہ کرے،اور فورا اللہ تعالی سے توبہ کرے اور آئندہ زنا اور اس کے اسباب سے بچنے اور دور رہنے کی پوری کوشش کرے۔اگر آدمی سچی توبہ کرے گا تو اللہ تعالی ضرور اس کی توبہ قبول فرمائیں گے اور اسے گناہ سے پاک وصاف فرمادیں گے۔زنا کا گناہ جب تک اللہ اور بندے کے درمیان ہے اس پر حد نہیں لگتی،معافی مانگنے سے معاف ہو جاتا ہے۔
شعب الایمان للبیہقی(5/436)میں ہے:
عن ابن عباس قال : قال رسول الله صلى الله عليه و سلم: التائب من الذنب كمن لا ذنب له والمستغفر من الذنب وهو مقيم عليه كالمستهزئ بربه ومن آذى مسلما كان عليه من الإثم كذا وكذا ذكر شيئا
روح المعانی(28/159)میں ہے:
واتفقوا علي ان التوبة من جميع المعاصي واجبة وانها واجبة علي الفور ولا يجوز تاخيرها سواء كانت المعصية صغيرة او كبيرة
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved