حدیث”سورۂ حدید، سورۂ واقعہ اور سورۂ رحمٰن کی تلاوت کرنے والے کو زمین و آسمان کی بادشاہت میں جنت الفردوس کا مکین پکارے جانے” کی تحقیق

استفتاء

حضرت فاطمہ زہراءؓ  سے روایت ہے ، رسولِ کریمﷺ  نے ارشاد فرمایا سورۂ حدید، سورۂ واقعہ اور سورۂ رحمٰن کی تلاوت کرنے والے کو زمین و آسمان کی بادشاہت میں جنت الفردوس کا مکین پکارا جاتا ہے۔ [شعب الایمان، التاسع عشر من شعب الايمان ……….. الخ، فصل فی فضائل السور والآيات ، 2/490،الحدیث:2496)

کیا یہ حدیث صحیح ہے؟

الجواب :بسم اللہ حامداًومصلیاً

مذکورہ حدیث سند کے لحاظ سے  ضعیف ہے  تاہم محدثین کے ہاں  فضائل میں ضعیف حدیث بھی قابل قبول ہے اس لیے اس کا سند کے لحاظ سے ضعیف ہونا مضر نہیں۔

شعب الایمان (رقم الحدیث:2496) میں ہے:

أخبرنا أبو نصر بن قتادة، أخبرنا أبو العباس الضبعي، حدثنا الحسن بن علي بن زياد، حدثنا إسماعيل بن أبي أويس، حدثني محمد بن عبد الرحمن الجدعاني، عن سليمان بن مرقاع، عن محمد بن علي عن فاطمة قالت قال رسول الله صلى الله عليه وسلم: ” قارئ الحديد وإذا وقعت، والرحمن ‌يدعى ‌في ‌ملكوت السموات والأرض ساكن الفردوس ” ” تفرد بهما محمد بن عبد الرحمن، عن سليمان، هذا وكلاهما منكران “

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم