- فتوی نمبر: 24-358
- تاریخ: 24 اپریل 2024
- عنوانات: حدیثی فتاوی جات > منتقل شدہ فی حدیث
استفتاء
رسول اللہ صلی اللہ عليه وسلم نے ایک آدمی کے ہاتھ میں پیتل کا کڑا دیکھا، تو فرمایا: تجھ پر افسوس ہے، تو نے کیا کردیا؟ اس نے عرض کیا: یا رسول اللہ ! یہ میں نے بیماری کی وجہ سے پہنا ہے، تو رسول اللہ صلی اللہ علیہ وسلم نے فرمایا: اس سے تیری بیماری میں اضافہ ہی ہوگا، اس کڑے کو تو اتار دے، کیونکہ اگر تو اس حالت میں مر گیا، تو تو کبھی بھی فلاح پانے والوں میں نہیں ہوگا۔
کیا یہ حدیث درست ہے ؟
الجواب :بسم اللہ حامداًومصلیاً
یہ حدیث درست ہے یعنی یہ مسند احمد (رقم الحدیث 20242) میں موجود ہے اور کچھ لفظی تبدیلی کے ساتھ یہی روایت سنن ابن ماجہ (رقم الحدیث3522 )، صحیح ابن حبان (رقم الحدیث 6192)، مصنف ابن ابی شیبہ (5/427)،معجم الطبرانی (رقم الحدیث14763)اورمستدرک حاکم (رقم الحدیث7610) میں بھی ہے اور امام حاکم ؒ اس کے بارے میں فرماتے ہیں :
” هذا حديث صحيح الإسناد ولم يخرجاه "
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved