حضرت علیؓ کے قول کی تحقیق

استفتاء

حضرت علیؓ نے فرمایا: قیامت کی نشانیوں  میں ایک نشانی یہ بھی ہے کہ جھوٹے لوگوں کی عزت ہوگی  اور سچے لوگ ذلیل ہورہے ہوں گے۔

کیا یہ حضرت علیؓ کا قول ہے؟

الجواب :بسم اللہ حامداًومصلیاً

یہ حضرت علی رضی اللہ تعالی عنہ کا قول   ہے یا نہیں؟ یہ تو تلاش کے باوجود ہمیں نہیں ملا البتہ احادیث میں آتا ہے کہ عنقریب ایسا زمانہ آئے گا جس میں دھوکہ دہی ہوگی سچے کو جھٹلایا جائے گا اور جھوٹے کی تصدیق کی جائے گی۔

مسند احمد (7912)، سنن ابن ماجہ (4032)، مسند بزار (2840)میں ہے:

عن ابي هريرة  رضي الله تعالى عنه قال قال رسول الله صلى الله عليه وسلم انها سياتي على الناس سنون خداعة يصدق فيها الكاذب ويكذب فيها الصادق…

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم