اسکی جگہ میری بیٹی فاطمہ (رضی اللہ عنھا) بھی ہوتی تو یہی فیصلہ تھا۔۔۔الخ حدیث کی تحقیق

استفتاء

بچپن سے سنتے  آئے ہیں کہ رسول اکرم ﷺ کے پاس چوری کا مقدمہ آيا  تو  آپ نے حد جار ی فرمائی کہ  اس کے ہاتھ کاٹ دو کیونکہ ملزمہ کسی قبیلے کے سردار کی قریبی تھی اس لئے سفارش آئی جس پر رسول اللہ ﷺ نے فرمایا کہ اسکی جگہ میری بیٹی فاطمہ (رضی اللہ عنھا) بھی ہوتی تو یہی فیصلہ تھا،اور فرمایا کہ پچھلی قومیں اس لئے تباہ ہوگئیں کہ انہوں نے الگ الگ قانون بنا لئے تھے امیروں کے الگ غریبوں کے الگ۔

معلوم یہ کرنا ہے کہ احادیث صحیحہ میں (یہ)ہے؟ اور اسکا حوالہ نمبر دیدیں ، جزاک اللہ

الجواب :بسم اللہ حامداًومصلیاً

یہ واقعہ صحیح  حدیث کی کتابوں   میں ہے، اور مختلف الفاظ  کے ساتھ وارد ہوا ہے ۔

صحیح بخاری  شریف حدیث نمبر (2648)کتاب الشھادات، باب شھادۃ القاذف والسارق والزانی، اسی طرح  یہ  واقعہ بخاری شریف حدیث نمبر(3475) پر مزید تفصیل سے آیا ہے،

اور    صحیح مسلم شریف حدیث نمبر(4318) کتاب الحدود، باب قطع السارق الشریف وغیرہ، میں ہے،

عن عائشة زوج النبي صلى الله عليه وسلم أن قريشا أهمهم شأن المرأة التي سرقت في عهد النبي صلى الله عليه وسلم في غزوة الفتح فقالوا من يكلم فيها رسول الله صلى الله عليه وسلم فقالوا ومن يجترئ عليه إلا أسامة بن زيد حب رسول الله صلى الله عليه وسلم فأتي بها رسول الله صلى الله عليه وسلم فكلمه فيها أسامة بن زيد فتلون وجه رسول الله صلى الله عليه وسلم فقال أتشفع في حد من حدود الله فقال له أسامة استغفر لي يا رسول الله فلما كان العشي قام رسول الله صلى الله عليه وسلم فاختطب فأثنى على الله بما هو أهله ثم قال أما بعد فإنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وإني والذي نفسي بيده لو أن فاطمة بنت محمد سرقت لقطعت يدها ثم أمر بتلك المرأة التي سرقت فقطعت يدها

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ اعلم