جو چیز ملکیت میں نہ ہو اس کی نذر ماننے کا حکم

استفتاء

میری والدہ نے منّت مانی ہوئی تھی کہ میرے بیٹے کی جاب لگ جائےتو اس کی جو پہلی تنخواہ آئے  گی میں وہ اللّه پاک کے نام پرخیرات کروں گی لیکن بیٹے کی جاب دوسرے شہر میں لگتی ہے اور وہاں پر سب خرچہ ہو جاتا  وہ اپنی تنخواہ میں سے کچھ بھی نہیں بچا پاتا اور والدہ منّت پوری نہیں کر پائی اور آگے بھی کچھ مہینے ایسے ہی چل سکتا ہے وہ جب تک دوسرے شہر میں ہے تو سب خرچہ ہی ہو جانا ہے اور وہ منّت پوری نہیں کر سکتا اس صورت میں کیا کرے کیوں کے والدہ کے پاس بھی اتنے پیسے نہیں کے وہ اس منّت کو پورا کر سکے۔

وضاحت مطلوب: 1۔تنخواہ کتنی ہے ؟2۔جب والدہ نے یہ نذرمانی تھی تب ان کی ملکیت میں اتنے پیسے یا سونا چاندی وغیرہ تھا یا کچھ بھی نہیں تھا؟

جواب وضاحت: 1۔جب جاب کا کہا گیا تھا تو اس وقت 20000 کہا گیا تھا لیکن پہلی بار تنخواہ دن کے حساب سے 13700 ملی تھی اور دوسری تنخواہ پوری 20000 ملی تھی ۔2۔والدہ کے پاس چاندی بھی نہیں تھی اور نہ ہی سونا اور ہمارے اوپر قرضہ تھا اتنے پیسے نہیں تھے کہ منت اتار سکے۔

الجواب :بسم اللہ حامداًومصلیاً

مذکورہ صورت میں آپ کی والدہ پر منت پوری کرنا لازم نہیں۔

شامی (5/ 526)میں ہے:وأن لا يكون واجبا عليه قبل النذر، فلو نذر حجة الاسلام لم يلزمه شئ غيرها، وأن لا يكون ما التزمه أكثر مما يملكه أو ملكا لغيره، فلو نذر التصدق بألف ولا يملك إلا مائة لزمه المائة فقط.خلاصة انتهى.فتاوی دارالعلوم دیوبند(12/97)میں ہے:

سوال:مادر کسے نذر کرد وقتیکہ فرزند من نوکر شود از تنخواه  او حصہ چهلم بمسافران و موذنان را میدہم ایں نظر جائز است یا  نہ و اگر فرزند تنخواه خود  بمادر نہ دید چہ حکم است.

جواب: في الحديث لا وفاء لنذر في معصية ولا فيما لا يملك العبد رواه مسلم. پس نذر مذکور از تنخواه پسر خود کہ مملوک نیست صحیح نیست و وفاء آں بر پدرش مادرش لازم نیست و اگر پسر از تنخواہ خود آنچناں نکند کہ پدر گفتہ بود فرزند کردہ بود عاصی نخواہد شد۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم