خیر الناس من ینفع الناس“کا حوالہ اور اس حدیث کے صحیح ہونے نہ ہونے کی تحقیق

استفتاء

(1)( خیر الناس من ینفع الناس) مجھے اس حدیث کا ریفرنس  چاہیے۔

(2)اور کیایہ حدیث صحیح ہے؟

الجواب :بسم اللہ حامداًومصلیاً

(2-1)مذکورہ حدیث علامہ سیوطی ؒ نے اپنی کتاب جامع الاحادیث میں  ذکر کی ہے اور انہیں کےحوالہ سے کنزالعمال میں بھی مذکور  ہے  ، لیکن نہ تو علامہ سیوطی ؒ نے اس کی کوئی سند ذکر کی ہے اور نہ ہی کسی اور کتاب میں  یہ حدیث  کسی سند سے ملتی ہے لہذ ااس کی سند کے لحاظ سے اس کے بارے میں کچھ نہیں کہہ سکتے تاہم اس کامضمون درست ہے۔چنانچہ علامہ عجلونی ؒکشف  الخفاء(1/ 393) میں لکھتے ہیں

(خير الناس من ينفع الناس) لم أر من ذكر أنه حديث أو لا فليراجع ، لكن معناه صحيح

“میں نے نہیں دیکھا کہ کسی نے یہ بات ذکر کی ہوکہ یہ حدیث ہے یانہیں ،لیکن اس کامعنی( مضمون )  درست ہے۔”

جامع الاحاديث (34/ 430) میں ہے

قال : أحب أن أكون خير الناس فقال : خير الناس من ينفع الناس فكن نافعا لهم .

كنز العمال (16/ 171)میں ہے

قال : أحب أن أكون خير الناس فقال : خير الناس من ينفع الناس فكن نافعا لهم.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم