خالہ کے حقوق کے متعلق احادیث

استفتاء

خالہ کے حقوق کے متعلق احادیث بھیج دیں۔

الجواب :بسم اللہ حامداًومصلیاً

خالہ کے حقوق سے متعلق چند احادیث مندرجہ ذیل ہیں:

سنن ترمذی (4/314) میں ہے:

عن ابن عمر، أن رجلا أتى النبي صلى الله عليه وسلم فقال: يا رسول الله، إني أصبت ذنبا عظيما فهل لي توبة؟ قال: «هل لك من أم؟» قال: لا، قال: «‌هل ‌لك ‌من ‌خالة؟» قال: نعم، قال: «فبرها»

ترجمہ:حضرت عبداللہ ابن  عمرؓ سے روایت ہے کہ ایک آدمی نے نبی اکرم صلی اللہ علیہ وسلم کی خدمت میں حاضر ہو کر عرض کیا: اللہ کے رسول! مجھ سے بہت بڑا گناہ سرزد ہو گیا ہے، کیا میرے لیے توبہ کی گنجائش ہے؟ آپﷺ نے پوچھا: ”کیا تمہاری ماں زندہ ہے؟“ اس نے کہا: نہیں، آپﷺ نے پوچھا: تمہاری کوئی خالہ ہے؟ اس نے کہا: ہاں، آپﷺ نے فرمایا: ”اس کے ساتھ حسن سلوک کرو۔‏‏‏‏“

سنن   ترمذی(4/313) میں ہے:

عن البراء بن عازب، عن النبي صلى الله عليه وسلم قال‌الخالة ‌بمنزلة ‌الأم وهذا حديث صحيح

 ترجمہ : حضرت براء بن عازب ؓسے روایت ہے  کہ آپﷺ نے فرمایا  کہ خالہ ماں کے بمنزلہ ہوتی ہے ۔

المعجم الکبیر للطبرانی (17/243) میں ہے:

عن ابن مسعود رضى الله عنه قال قال النبى صلى الله عليه وسلم الخالة والدة.

ترجمہ: حضرت ابن مسعودؓ سے روایت ہے کہ آپﷺ نے فرمایا کہ خالہ ماں  ہوتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم