کیا ہر نئی چیز کا استعمال جمعہ کے روز سے شروع کرنا چاہئے؟

استفتاء

مفتی صاحب کیاہرنئی چیز،نئےکپڑےکاجمعہ کےدن سےاستعمال شروع کرناسنت سےثابت ہےاوراجرکی نیت سےایساکرناچاہیے؟

رہنمائی فرمادیں جزاک اللہ خیراکثیرا

الجواب :بسم اللہ حامداًومصلیاً

ایک حدیث میں صراحت ہےکہ آپ ﷺ  نئے کپڑے  کا استعمال جمعہ کے دن سے شروع کرتےتھےاسی طرح سردیوں میں اندر سونے کی ابتدء اور گرمیوں میں باہر سونے کی ابتداء بھی شبِ جمعہ سے کرتے تھے یہ حدیث اگرچہ سنداً ضعیف ہےلیکن چونکہ یہ فضیلت سے متعلق ہے اس لئے اس پر عمل کیا جاسکتاہےعلامہ مناویؒ نےاس کی وجہ یہ بیان کی ہے کہ جمعہ کادن باقی ایام سےافضل ہےتو اس دن سے نئے کپڑے کی ابتداءکرنا کپڑےاورپہننےوالےدونوں کےلیے باعث برکت ہے، کپڑےکےعلاوہ دیگراشیاءکےجمعہ کےدن سےابتداءکرنے کے بارےمیں نہ تواحادیث میں صراحت ملی ہے اورنہ ہی شروح حدیث میں کچھ ملاہےلیکن دیگراشیاء کی بھی اسی وجہ سے جمعہ کے دن سے ابتداءکرنےمیں کوئی حرج نہیں ہے،البتہ اسے سنت نہ سمجھا جائے۔

شرح السنہ (رقم الحدیث3114 )میں ہے:أنس بن مالك يقول:كان رسول الله(صلى الله عليه وسلم)إذا استجد ثوبا لبسه يوم الجمعة. عنبسة بن عبد الرحمن ضعيف.فيض القدير المناوی( رقم الحدیث6563 ) میں ہے: (كان إذااستجدثوبالبسه يوم الجمعة)لكونه أفضل أيام الأسبوع فتعودبركته على الثوب وعلى لابسه.(خط عن أنس)قال ابن الجوزي:حديث لا يصح وعنبسة أحد رواته مجروح ومحمد بن عبيد الله الأنصاري يروي عن الأثبات ما ليس من حديثهم فلا يجوز الاحتجاج به.جامع الأحاديث ( رقم الحدیث39010)میں ہے:عن ابن عباس قال:كان رسول الله صلى الله عليه وسلم:إذا جاء الشتاء دخل البيت ليلة الجمعة،وإذا جاء الصيف خرج ليلة الجمعة،وإذا لبس ثوباً جديداً حمد الله وصلى ركعتين وكسا الخلق.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم