کیا اللہ تعالی کو خواب میں دیکھنا ممکن ہے

استفتاء

(۱)کیا اللہ تعالی کو خواب میں دیکھنا ممکن ہے؟اگرنہیں تو امام احمد کے بارے میں کیوں مشہور ہے؟(۲)اگر ہاں تو یا من لاترا ه العیون او ر لاتدرکه الابصار ،ولم یکن له کفوا احد کاکیا مفہوم ہے؟

الجواب :بسم اللہ حامداًومصلیاً

1۔اللہ تعالی کو خواب میں دیکھنا ممکن ہے۔

2۔یا من لاتراہ العیون یا لاتدرکہ الابصار کامفہوم یہ ہے کہ عالم دنیا میں اپنی ظاہری آنکھوں سے کوئی اللہ تعالی کو نہیں دیکھ سکتا،جبکہ خواب کی دنیا ایک الگ دنیا ہےاورخواب میں دیکھنا ظاہری آنکھوں سے نہیں ہوتا کیونکہ ظاہری آنکھیں تو خواب میں بندہوتی ہیں۔

شرح کتاب الفقہ الاکبر لملا علی قاری ؒ(213)میں ہے:

ان الرؤية المنامية لاتکون بالحاسة البصرية بل بالتصورات المثالية اوالتمثلات الخيالية

شرح النووی على مسلم (15/ 25)میں ہے:

قال القاضي واتفق العلماء على جواز رؤية الله تعالى ‌في ‌المنام وصحتها وإن رآه الإنسان على صفة لا تليق بحاله من صفات الأجسام لأن ذلك المرئي غير ذات الله تعالى إذ لا يجوز عليه سبحانه وتعالى التجسم ولا اختلاف الأحوال بخلاف رؤية النبي صلى الله عليه وسلم قال بن الباقلاني رؤية الله تعالى ‌في ‌المنام خواطر في القلب

تعلیم الدین للتھانویؒ(16) میں ہے

دنیا میں جاگتی ہوئی ان آنکھوں سے اللہ تعالیٰ کو کسی نے نہیں  دیکھا اور نہ دیکھ سکتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم